Храмовата слава на црквата Свети Архангел Михаил во Виница (21.11.2009)
На ден 21. 11. 2007 година, кога Православната црква го одбележва соборот на св. Архангел Михаил и св. Ангел Лерински, Поглаварот на Македонската Православна Црква Неговото Блаженство Архиепископот Охридски и Македонски г. г. Стефан, заедно со Надлежниот Архиереј на Брегалничката Епархија Неговото Високопреосвештенство Митрополитот Брегалнички г. Иларион, во сослужение на Игуменот на Лесновската Обител отец Дамаскин, свештеници од брегалничката епархија и еромонахот Григорие, отслужи света архиерејска литургија.
На крајот од светата литургија Неговото Блаженство Архиепископот Охридски и Македонски г. г. Стефан произнесе пригодно празнично слово, по кое Митрополитот г. Иларион Му се заблагодари на Нашиот Духовен Татко на Нацијата за принесените дарови и упатените молитви кон Бога за целиот народ како и за народот на Градот Виница кој торжествено го празнуваат овој Празник. По ова Неговото Блаженство Архиепископот Охридски и Македонски г. г. Стефан заедно со Митрополитот Брегалнички г. Иларион и свештениците го благослови и пресече празничниот леб.
Истиот ден Неговото Блаженство Архиепископот Охридски и Македонски г. г. Стефан заедно со Митрополитот Брегалнички г. Иларион го благослови празничниот ручек на гостите и вработените на Месната Индустрија МИК од Свети Николе, кој Свети Архангел Михаил го имаат за свој патрон и заштитник.
Известува: протоѓакон Саше Ристов
