Евангелие на празник: Свето евангелие според светиот апостол Лука 10:16-21
| 16. | Кој ве слуша вас, Мене Ме слуша; и кој се откажува од вас, од Мене се откажува; а кој се откажува од Мене, се откажува од Оној што Ме пратил.” |
| 17. | Се вратија, пак, седумдесетте со радост и велеа: „Господи, во Твое име и бесовите ни се покоруваат.” |
| 18. | А Он им рече: „Го видов сатаната дека падна од небото како молња! |
| 19. | Еве, ви давам власт да настапувате на змии и скорпии, и на секаква непријателска сила; и ништо нема да ве повреди; |
| 20. | но не радувајте се на тоа, дека духовите ви се покоруваат, а радувајте се, што се имињата ваши напишани на небесата.” |
| 21. | Во тој час се возрадува Исус во духот и рече: „Те прославувам, Оче, Господи на небото и на земјата, оти си го сокрил ова од мудрите и разумните, а си го открил на простите. Така е, оти таква беше волјата Твоја.” |
Евангелие на денот: Свето евангелие според светиот апостол Лука 7:2-10
| 2. | Слугата на еден стотник беше тешко болен, на умирање; а многу го сакаше. |
| 3. | Па како чу за Исуса, ги прати при Него старешините јудејски, молејќи Го да дојде и да го излекува слугата негов. |
| 4. | А тие, штом дојдоа при Исуса, Го молеа усрдно и велеа: „Достоен е да му го направиш тоа, |
| 5. | оти го сака нашиот народ, и синагогата тој ни ја направи.” |
| 6. | И тргна Исус со нив. А кога беа веќе близу до куќата, стотникот ги прати пријателите свои при Него, говорејќи: „Господи, не труди се, зашто не сум достоен да влезеш под мојот покрив; |
| 7. | затоа и сам себе не се најдов достоен да дојдам при Тебе, туку кажи само збор и мојот слуга ќе оздрави; |
| 8. | оти и јас сум човек подвластен, а имам и потчинети војници; па кога ќе му речам на еден од нив: »Оди!« – и тој оди; на другиот: »Дојди!« – и тој доаѓа; и на слугата свој: »Направи тоа!« – и тој прави.” |
| 9. | Штом го чу тоа, Исус се зачуди и кога се заврте кон народот, што врвеше по Него, рече: „Ви велам, ни во Израилот не најдов толку голема вера!” |
| 10. | Испратените кога се вратија, го најдоа болниот слуга здрав. |
Апостол на празник: Послание на светиот апостол Павле до Колосјаните 4:5-18
| 5. | Спрема надворешните однесувајте се благоразумно, ползувајќи го времето! |
| 6. | Зборот ваш секогаш да биде благодатен, зачинет со сол, за да знаете како треба на секого да му одговарате! |
| 7. | Што се однесува до мене, сe ќе ви соопшти Тихик, љубениот брат и верен служител и сотрудник во Господа, |
| 8. | кого нарочно поради тоа го испратив при вас, за да разбере како сте и да ви ги утеши срцата ваши, |
| 9. | заедно со Онисим, верниот и омилен наш брат, кој е од вас; тие ќе ви раскажат сe што станува овде, |
| 10. | Ве поздравува Аристарх, кој е затворен со мене, и Марко, внукот на Варнава – за кого добивте заповед: ако дојде при вас, примете го. |
| 11. | Исто така и Исус, наречен Јуст; тие се од обрезаните и единствени сотрудници за царството Божјо, кои ми беа утеха. |
| 12. | Ве поздравува од вашите Епафрас, служител на Исуса Христа, кој секогаш во молитвите свои се грижи, да бидете совршени и исполнети со секаква волја Божја. |
| 13. | Сведочам за него дека тој има голема ревност и грижа за вас и за оние што се во Лаодикија и Ерапол. |
| 14. | Ве поздравува Лука, возљубениот лекар, и Димас. |
| 15. | Поздравете ги браќата во Лаодикија, и Нимфана, и неговата домашна црква! |
| 16. | Откако ова послание се прочита при вас, направете да се прочита и во Лаодикијската црква, а она од Лаодикија да го прочитате и вие. |
| 17. | Кажете му на Архип: „Гледај ја службата, што си ја примил во Господа, да ја извршуваш!” |
| 18. | Своерачен поздрав од мене, Павла. Помнете ги оковите мои! Благодат меѓу сите вас. Амин! |
Апостол на денот: Второ послание на светиот апостол Павле до Коринтјаните 5:1-10
| 1. | Знаеме дека, кога земното живеалиште на нашето тело, кое е како шатор, се разруши, тогаш имаме од Бога дом, куќа неракотворна, вечно живеалиште на небесата. |
| 2. | Затоа и воздишуваме, копнејќи да се облечеме во своето небесно живеалиште; |
| 3. | само, да не би и облечени, да се најдеме голи. |
| 4. | Оти, ние кои се наоѓаме во овој шатор, воздишуваме обременети; бидејќи не сакаме да се соблечеме, туку да се преоблечеме, та животот да го проголта смртното. |
| 5. | А Бог, Кој нe создаде токму за ова, ни даде и залог на Духот. |
| 6. | И така, секогаш сме спокојни, зашто знаеме дека, додека живееме во телото, ние се оддалечуваме од Господа, |
| 7. | бидејќи според верата живееме, а не според гледањето. |
| 8. | Но не се плашиме и сакаме што поскоро да го напуштиме телото и да се прибереме при Господа. |
| 9. | Па затоа и усрдно се грижиме да Му бидеме угодни, било кога живееме во телото, било кога го напуштаме; |
| 10. | зашто сите ние треба да се јавиме пред Христовиот суд. Та секој да прими што заслужил, според она што го извршил во телото свое, било добро или зло, |
Поука на денот: Свети Нил Синајски
Воопшто не поскаувај за време на молитвата да видиш некаков лик или образ.
