Жерард Депардје го прослави православниот Божик во друштво на претседателите на Украина и Грузија (11.01.2007)
Францускиот актер Жерард Депардје пристигна во Украина за прослава на православниот Божик според јулијанскиот календар (7 јануари), во друштво на претседателите на Украина и Грузија и нивните сопруги, извести украинската телевизија.
Француската филмска ѕвезда пристигна во Украина на лична покана од страна на украинскиот претседател.
Актерот ги придружуваше семејствата на Јушченко и Сакашвили до Гута, зимската резиденција на украинскиот претседател на Карпатите, каде што заедно го прославија православниот Божик.
„Сум слушал многу за Карпатите, и навистина со големо задоволство доаѓам тука за првпат. Многу го почитувам Претседателот и многу ја сакам Украина“, изјави Жерард Депардје.
Претходно, на 4 јануари, актерот заедно со двајцата претседатели го посети Маниавскиот манастир, еден од најпознатите храмови во источна Украина.
