Нов епископ во Бугарската Православна Црква (21.12.2007)
На седницата на полниот состав на Светиот Синод, архиереите донесоа решение за хиротонија на нов епископ на Бугарската Православна Црква. Тоа е архимандрит Даниил од Роженскиот манастир, Неврокопска епархија.
Наречението на новиот епископ ќе биде на 19 јануари, а хиротонијата ќе биде извршена на 20 јануари. Се очекува после хиротонијата, новиот епископ да биде викарен на Неврокопскиот митрополит Натанаил.
Од Неврокопската епархија е и новиот протосингел на Софиската митрополија архимандрит Григориј.
Архимандритoт Даниил е роден во 1972 година. Замонашен е во 1999 година, а во архимандритско достоинство е произведен во 2006 година. Има завршено англиски јазик и теологија на Софискиот Универзитет.
Извор: Dveribg.net
