Синодот на Цариградската Патријаршија канонизира 11 естонски новомаченици (17.05.2012)
ИСТАНБУЛ. Синодот на Цариградската Патријаршија канонизира 11 естонски новомаченици, кои ја пролеаја својата крв за Христа во 1940-1941 г., во периодот после присоединувањето на Естонија кон СССР.
Во соборот на светите се прославија: протереј Василиј Ритскок; свештениците: Јоханез Крав, Јован Сергеев, Артемиј Вапер и Николај Лејсман; ѓаконите: Василиј Астанин и Петар Козлов; пезвитера Марта Лејсман; мирајните Јован Лаговски, Теодот Петај и неговата сопруга Ана Петај.
Празнувањето на новомачениците е востановено на 14 јуни, денот на жалост, кога во современа Естонија си спомнуваат за жртвите од сталинската репресија.
Двајца од канонизираните новомаченици живееле неколку години во Париз:
- Свештеникот Јован Сергеев беше студент на Свети-Сергеевскиот православен богословски институт во Париз од 1930 до 1934 г. Тој беше уапсен на 14 јуни 1941 г. и осуден на 10 години затвор. Отслужуваше казна во логорот „Сосна“ во Свердловската област (Екатеринбург). Почина во заточение на 22 февруари 1943 г., на возраст од 35 години.
- Мирјанинот Јован Лаговски живееше во Париз од 1930 до 1933 г., кога беше раководител на РСХД (Руско студентско христијанско движење) и издавач на списнието „Весник“. Како член на раководството на естонската организација РСХД и член на административниот совет на православната парохија во Тарт беше уапсен на 5 август 1940 г., протеран, подложен на мачење и застрелан на 30 јули 1941 г., на возраст од 51 година.
Извор: Седмица.ру
