Во Руската Православна Црква ќе биде создадена работна група за пастирска грижа на глувите парохијани (19.05.2012)
На 16 мај, во манастирот на милосрдието Марта и Марија, се одржа тркалезна маса за парохиската работа со глуви, организирана од Синодскиот оддел за добротворни црковни цели и социјална служба.
Состанокот го отвори претседателот на Одделот, епископот Смоленски и Вјаземски Пантелејмон. „Наша задача, како христијани, е да го слушаме Божјото Слово, да го сочуваме во срцето, така што ќе нѐ преобрази и ќе го промени нашиот живот. Но, постојат луѓе кои се лишени од можноста да слушаат. Ние сме должни да им помогнеме во тоа“, рече тој.
Раководителот на Новосибирската православна општина за работа со глуви, Новосибирскиот Митрополит Николај Соколов го презентираше неговиот проект – Видеоречник со религиозни и богослужбени зборови и фрази на знаковен јазик (јазикот на глувонемите).
Соработникот на Институтот за дефектологија при РАН (Руската академија на науките), почесниот руски професор Љубов Коврјаков ја истакна неопходноста од редовна настава за луѓето со оштетен слух. „Ние мораме да ги земеме предвид карактеристиките на глувиот човек. Поради ограничувањата во лексиката (речникот), ако нема посебни услови, тој не може да ја сфати целата содржина на црковнословенскиот текст. И децата и возрасните задолжително треба, однапред, да се запознаат со новите текстови.“
Раководителот на Регионалниот центар за образовно-методолошка обука за помош на глувите при Екатеринбуршката епархија, јеромонах Висарион (Кукушкин) изрази жалење поради тоа што проповедта на Божјото Слово зазема последно место во работата со глувите во парохијата. Според неговото мислење, богослужбениот речник не треба да биде најважен. „Најважна е комуникацијата: глувиот човек треба да знае дека има верен пријател со кого секогаш може да најде решение за различни проблеми.“
Старешината на хармот на свети Тихон, протереј Анатолиј Флоров смета дека главната задача е катехизам на глувите. „Како да им Го откривме Христос? Ова е важно, и начините за комуникација кои веќе постојат“, рече отец Анатолиј. Тој го сподели своето искуство, кога со цел да се обезбеди целосно учество на глувите во боголужбите, во храмот бил поставен екран со текст од службите.
Преведувачката во храмот на Божјата Мајка и преподобен Сергеј Радоњешки од Сергиево-Посадскиот дом за глуви и слепи, Татјана Корсакова, кажа за илустрираните прирачници за секоја недела, кои ги направиле педагозите на детскиот дом и персоналот на храмот. Текстот во нив е адаптиран за детска возраст, а илустрациите помагаат за разбирање и помнење на материјалот.
Учесниците на тркалезната маса дискутиираа и за заедничка соработка со духовните училишта.
Проректорот на Новосибирската богословија, свештеникот Јован Реморов даде приоритет за подготовка на свештениците кои веќе го познаваат знаковниот јазик.
На состанокот беше одлучено, во почетокот на јуни да се создаде работна група за пастирска грижа и парохиска работа со глувите парохјани. Групата ќе вклучува претставници од неколку Синодски одделенија, свештенослужители и вработени во парохиите, кои ќе бидат задолжени за благосостојбата на глувите луѓе, како и научници – соработници на Институтот за дефектологија при РАН, преведувачи и претставници на Серуското здружение на глуви.
Извор: Седмица.ру
