Светата царица Тамара Велика – нејзиното житие низ грузиските летописи (17-05.2013 10:00)
Грузискиот Патријарх Илија II ја прогласи 2013 г. за Година на царицата Тамара, затоа што, според повеќето историчари поминаа 800 години од упокојувањето на светата владетелка на Иверија. Затоа порталот Православие.ru подготви исклучително интересни грузиски хроники преку кои ќе го претстави животот на светата царица Тамара.
Во вековите што минале по нејзината смрт, љубовта кон неа не се намалила, и не може да ослабне, бидејќи св. Тамара не само што ја возвишила Грузија за време на своето земно царување, туку и после смртта уште повеќе ги зголемила молитвите за страдалната татковина, која неколку столетија живеела под теророт на ужасното владеење на исламот. Самото владеење на благоверната царица е чудо и подарок за Грузија, имено, во една кревка, неверојатно убава жена, Грузијците добија свој најдобар владетел, справедлив и милосрден, не мудар како жена, туку со ангелско расудување. И што е најважно, во неа најдоа вечен, до Страшниот суд, буден молитвеник и претставник пред Божјиот престол.
