Знеполскиот Епископ Јоан е новиот Варненски и Великопреславски Митрополит (23.12.2013 20:02)
Вчера, на 22 декември 2013 г., во синодскиот параклис „Св. цар Борис“ по Божествената Литургија Неговата Светост Бугарскиот Патријарх Неофит ги повика своите собраќа Митрополити и членови на Светиот Синод да пристапат кон гласање за избор на новиот Варненски и Великопреславски Митрополит.
Гласањето се спроведе по хиерархија, прв го посочи својот избраник Патријархот Неофит, а по завршувањето на гласањето Неговата Светост ги објави изборните резултати:
Вкупно гласаа 12 членови на Синодот, двајца од нив (Пловдивскиот Митрополит Николај и Западно и Северноевропскиот Антониј) отсуствуваа од оправдани причини, но навремено го испратија својот глас.
Со 9 гласа ЗА од вкупно 12 Светиот Синод го избра за Варненски и Високопреславски Митрополит Знеполскиот Епископ Јоан.
Неговиот противкандидат Мелнишкиот Епископ Серафим беше поддржан со 3 гласа.
Неговото Преосвештенство Знеполскиот Епископ Јоан се прогласува за канонски избран Варненски и Великопреславски Митрополит.
Извор: Bg-patriarshia.bg
