Тавита (што значи срна) беше апостолска ученичка и живееше во Јопа, сегашна Јафа. Беше исполнета со добри дела и милостиња (Дела 9, 36). Но ненадејно изнемоште и умре. Ужалените ученици испратија по Петар, молејќи го да дојде и да ги утеши роднините. Кога дојде, големиот Христов апостол им нареди на сите да излезат од собата кај што лежеше покојната и клекна на молитва. Кога ја заврши молитвата возвикна кон мртвото тело: „Тавито, стани!“ И Тавита ги отвори очите и стана. Поведени од овој чудесен настан могумина поверуваа во Господ Исус Христос.
Тропар
Силата животодавна Господова се допре до тебе, о Тавито света, и верата Петрова благодатно измоли за тебе продолжување на твоите добри дела со кои Го прослави Господа, а за нас сведоштво дека во Бога е животот и бесмртноста. Затоа денес за нас моли се, ликувајќи во Небесните дворови.
