Пролог: Свети Елезвој, цар Етиопски
 

 

Житие: Свети Елезвој, цар Етиопски

Календар, житија, пости
Почеток
 
Распален со ревност за Христовата вер овој благочестив цар крена војска против кнезот Дунаан, свирепиот мачител на христијаните во земјата Омиритска. Но во почетокот на војната немаше успех и многу од неговата војска пропадна во пустината. Тогаш тој горко плачеше пред Бога и вети дека ако Бог му помогне да го победи христијанскиот крвник тој ќе се замонаши. Откако го победи Дунаан, Елезвој се врати во Етиопија и веднаш го напушти царскиот дворец и стапи во манастир. Таму се подвизуваше како вистински монах цели петнаесет години. Бог му подари благодат на чудотворство пред и после смртта. Се упокои во 555 година.

Тропар
Ревноста твоја за верата Христова, жезол благодатен од небото измоли, со кој ги порази непријателите Господови, а молитвите твои на кои и ние денес се надеваме, ја осветлија душата твоја, о Елзвое, и со пустинска вода благодатна те напоија, тебе кој од цар земен, заради Христа сиромав стана и така Небесното Царство наследувајќи го.