Божествена Литургија во Скопје по повод 25-годишнината од востоличувањето на Архиепископот г.г. Стефан (06.10.2024 19:46)
Денес, на празникот на сите македонски светители, а по повод 25-годишнината од востоличувањето на Неговото Блаженство Архиепископот Охридски и Македонски г.г. Стефан за Поглавар на Македонската Православна Црква – Охридска Архиепископија, Јустинијана Прима, беше отслужена Божествена Литургија во соборниот храм „Св. Климент Охридски“, во Скопје. Со Литургијата чиноначалствуваше Неговото Блаженство, во сослужение со надлежните епархиски архиереи на МПЦ – ОА и на бројни свештенослужители, како и во присуство на многуброен верен народ. На свечената Литургија присуствуваше и претседателката на Република Северна Македонија г-ѓа Гордана Силјановска – Давкова.
