Божествена Литургија за празникот на света Параскева во Јаши (14.10.2024 13:00)
Денес, кога се празнува преподобната наша мајка Параскева, во Јаши, Романија, Митрополитот Струмички Наум заедно со надлежниот Митрополит Теофан од Јаши и повеќе други Владици од православните цркви на Романија, Антиохија и Кипар му сослужуваше на Високопреосветениот Митрополит Никита, Архиепископ на Тијатира и Велика Британија – од Вселенската Патријаршија. Храмот во Јаши го посетија повеќе од 200.000 поклоници од целиот православен свет кои пристигнаа за да се поклонат на светите мошти на света Параскева и свети Пантелејмон. Огромната толпа верен народ денес се собра на булеварот „Штефан чел Маре“, во центарот на градот, за да се помоли на Светата Литургија и да се причести со Светите Христови Тајни.
