Пролог: Свети Тихон Задонски
 

 

Житие: Свети Тихон Задонски

Календар, житија, пости
Почеток
 
Го викаат и Вороњежски. Роден е во селото Короцка во Новгородската губернија во 1724 година во прост селански дом. Во неговата триесет и четврта година прими монашки чин и заради неговите подвизи и големата духовна мудрост добиваше с ? поголема и поголема служба, дури најпосле не го хиротонисаа за епископ Вороњежски. Епископствуваше неполни пет години, а потоа заради слабото здравје се повлече во Задонскиот манастир. Се упокои мирно во 1783 година во Задонск, каде што неговите чудотворни мошти почиваат и сега. Голем подвижник на Црквата во Русија, редок пастир, молитвеник и творец на прекрасни духовни дела. По својата мудрост, светост и подвиг може да се споредува со големите отци на Православната Црква од древните времиња. Заради многубројните посведочени чуда над неговите мошти, за светител е прогласен најпрво од народот, а потоа и од официјалната Црква, во 1861 година.

Тропар
Кон Господа Кој те возљуби, ти твојата душа и срце ги насочи, о Тихоне пастиру Божји, а мислите да дадеш с?, само бисерот скапоцен да го купиш, се развеаја секому угодувајќи, од благодатните дарови раздавајќи. За нас сега моли се, преподобен оче, од твоето небесно сокровиште: радост на радосните, плач на плачливите, утешител на угнетените – достојнословен пријател Божји.