Житие: Свети Никита, епископ Ремесијански
Другар и врсник на Св. Павлин Нолски (кој се слави на 23 јануари). Веројатно бил Словенин, а го проповедал Евангелието меѓу Словените во нишко-пиротската област. Св. Павлин му испеа песна во која покажа какво дело овој свет Никита изврши меѓу Словените: „Каква промена! И колку среќна! Непроодни што беа крвавите гори, сега кријат разбојници во монаси претворени - ах, питомци на мирот. Кај што беа обичаите ѕверски, сега ликот ангелски е. Праведникот во пештера се крие, онде кај што злостор порано пребиваше.“ Столица на Свети Никита беше градот Ремесијан, под којшто некои го препознаваат Пирот. Освен својата мисионерска служба, Свети Никита напиша и неколку книги: шест книги за верата, книга за паднатата девојка (којашто мнозина ги побуди на покајание). Овој светител се упокои во 5 век.
Тропар
Како падната девојка, твојата душа мудро ја принесе на Христа, о Никито епископе благодатен, од твоите поуки како извор Божји неисцрплив, разбојниците витези Христови постанаа, а неверните – монаси подвижници на Бога се принесоа. Радувај се, сега во вечноста, заради верата во Господа исповедана, која плодови изобилни покажа, и за нас моли се пред Оној на Кого ти послужи.
