Пролог: Светиот маченик Пиониј и другите со него
 

 

Житие: Светиот маченик Пиониј и другите со него

Календар, житија, пости
Почеток
 
Свештеник смирненски. Пострада во Смирна во времето на Декиевото гонење. Го осудија на распнување, заради што беше многу радосен. И штом војниците го склопија крстот и го положија на земјата, Пиониј самиот легна на крстот, ги испружи рацете и им заповеда на војниците да му ги приковаат рацете со клинци. Крстот го всадија во земјата наопаку, а под главата на маченикот наложија оган. Наоколу имаше многу народ. Светиот Пиониј си ги затвори очите и радосно возвикна: „Боже, прими го мојот дух!“ и издивна. Овој светител го напиша житието на Св. Поликарп Смирненски. Пострада и се прослави во 250 година.

Тропар
Трагајќи по мудроста која ја открива вистината, ти Пионие свети, Христа го пронајде, Кој благодатен презвитер Свој те направи. Привлечен од Светлината вечна, окован пред светот излезе, заедно со Савил и Асклипиад, за да покажете дека само во Господа може човек да биде слободен. Радувајте се и за нас молете се, жители во вечната светлина.