Житие: Светата маченичка Маркела
На островот Хиос оваа светителка ужива огромна почит. Во нејзината црква постојано се случуваат чуда. Но нејзиното житие е непознато. Според Преданието Маркела била необично побожна девојка, која рано останала без мајка. Нејзиниот незнабожен и ѕвероподобен татко сакал да живее со ќерката како со жена. Маркела побегнала од татко ? . Но овој, разјарен како вистински ѕвер, ја стигнал и ја исекол на парчиња. Во близина на нејзиниот храм се наоѓаат некои камења коишто овде-онде биваат како со крв попрскани. Тие камења народот ги зема, ги носи в црква, ? се моли на Света Маркела, па ги полага врз болни, и од тоа оздравуваат.
Тропар
Девственичке Христова, јагне Божјо со благодат обвиено, Маркело, маченичке света, чест и поклонение денес на твојот спомен принесуваме и Бога Го славиме, Кој таква лоза меѓу децата подигна, за на твоите свети молитви пред Него да н? удостои, во вечни времиња.
