Житие: Светите маченици Орентиј, Фарнакиј, Ерос, Фирмос, Фирмин, Киријак и Лонгин
Родени браќа. Беа римски војници во времето на царот Максимијан. Во војната на Римјаните против Скитите околу Дунав, Свети Орентиј му излезе на мегдан на скитскиот голијат Марот и го уби. За ова целата римска војска им принесуваше жртви на боговите, но Орентиј и неговите браќа изјавија дека се христијани и дека не можат да им принесат жртва на глувонемите идоли. И покрај нивните војнички заслуги беа осудени на прогонство во Касписките предели, но патем сите седуммина, еден по друг, од глад и маки го завршија животот и се преселија во Царството Христово.
Тропар
Жедта по вистината ве ослободи од гладта по минливоста на овој свет, о Орентие, Фарнакие, Еросе, Фирмосе, Фирмине, Киријаче и Лонгине. Достојнославни маченици и верни Христови војници се покажавте, Спасителот Сам ве пречека на патот кога кон Него поитавте. Затоа, за нас сега молете се, пред Оној Кој вечност ви подари.
