Житие: Преподобен Илија Египетски
Се подвизуваше близу Антино, главниот град на Тиваида. Во сурови и непристапни карпести пустини проживеа седумдесет години. Се хранеше само со леб и со урми, а кога беше млад постеше по цели седмици. Ги исцелуваше сите маки и болести кај луѓето. Се тресеше од старост. Се упокои во сто и десетата година од животот, кога се пресели во радоста на својот Господ. „Чувајте го вашиот ум од лоши помисли за ближните, знаејќи дека нив ги уфрлуваат демоните со цел да ви го оддалечат умот од гледањето на сопствените гревови и од стремежот кон Бога“
Тропар
Блажен си ти, свет исповедниче Илија, благодатта Христова ум ти просветли, волја ти изостри вистина да поимаш, ближен да не осудуваш. Радувај се сега во Небесното Царство, свет подвижниче, сотруднику на ангелите, и за нас моли се мисли да преумиме и Бога да Го прославуваме.
