Посета на Осоговскиот манастир (22.10.2008)
На 21.10.2008 година, во убавиот сончев есенски ден, Неговото Високопреосвештенство, Митрополитот г. Кирил го посети резиденцијалниот манастир во Полошко-кумановската епархија, манастирот на св. Јоаким Осоговски во Крива Паланка.
Директорот на Институти во Клиничкиот центар во Скопје, д-р Стојмир Петров и д-р Владо Георгиев, професор на Уролошката клиника, заедно со нивните соработници, Деканот на Православниот богословски факултет „Св. Климент Охридски“ професор д-р Ацо Гиревски, како и професорите Петко Златески и Ѓоко Ѓорѓески, престојуваа во Осоговскиот манастир, како гости на Митрополитот г. Кирил. Во големата манастирска црква, Митрополитот се помоли за здравје и спасение на присутните, а во големата трпезарија на Владичкиот конак беше приредена трпеза на љубовта.
Известува: отец Александар
