Соопштение од Седницата на Светиот Архиерејски Синод на МПЦ (30.07.2009)
Светиот архиерејски синод на Македонската православна црква на својата редовна седница одржана на 30 јули 2009 г. во просториите на македонската архиепископија - Скопје, разгледа повеќе парашања од тековниот живот на нашата Црква.
Синодот го одобри издавањето на Служебникот, со паралелен текст, на македонски и црковнословенски јазик, како второ корегирано и ревидирано издание на САС на МПЦ. Исто така, беа избрани и потврдени наставните кадри во Македонската православна богословија.
Архиереите на Македонската православна црква апелираат до сите граѓани, политичките партии, владините и невладините организации, да се почитуваат Уставот и законите на Република Македонија, и на тој начин да ја докажеме лојалноста кон државата и нејзините институции, а особено во периодот на приближување на нашата земја кон европските организации и исполнување на бараните критериуми за наше побрзо интегрирање во семејството на европските народи.
КАНЦЕЛАРИЈА НА САС НА МПЦ
