Заупокоена Литургија на 40-дневниот помен за блаженоупокоениот Митрополит Тимотеј (03.01.2025 11:26)
Денес, во манастирот „Свети Климент Охридски и свети великомаченик Пантелејмон“ на Плаошник, во Охрид, на 40-дневниот помен на блаженоупокоениот Митрополит Тимотеј беше отслужена Заупокоена Литургија на која чиноначалствуваше Викарниот Епископ Стобиски г. Јаков, во молитвено присуство на Неговото Блаженство, Архиепископот Охридски и Македонски г.г. Стефан, Високопреосветените Митрополити Преспанско- пелагониски г. Петар, Повардарски г. Агатангел, Европски г. Пимен, Тетовско- гостиварски г. Јосиф, како и Преосветените Епископи Антанински г. Партениј и Велички г. Никола.
По Литургијата, Неговото Блаженство Архиепископот г.г. Стефан, заедно со Митрополитите г. Петар и г. Агатангел, отслужи парастос на гробот на блаженоупокоениот Митрополит. На поменот присуствуваа градоначалникот на Охрид, г. Кирил Пецаков, претставници од политичкиот и јавниот живот, како и голем број верници.
