Востоличување на новоизбраниот Архиепископ на Тирана, Драч и на цела Албанија, г.г. Јован (29.03.2025 22:19)
Денес, со благослов на Неговото Блаженство, Архиепископот Охридски и Македонски г.г. Стефан, Митрополитот Тетовско-гостиварски г. Јосиф и Епископoт Стобиски г. Јаков присуствуваа на востоличувањето на новоизбраниот Архиепископ на Тирана, Драч и на цела Албанија, г.г. Јован.
Епископот Јаков со поздравно слово му ги честиташе изборот и востоличувањето на Неговото Блаженство г.г. Јован, пренесувајќи му ги поздравите од Архиепископот г.г. Стефан и од членовите на Светиот архиерејски синод на Македонската Православна Црква – Охридска Архиепископија. На востоличувањето присуствуваа архиереји и од сите останати сестрински Православни Цркви.
